ПРЕМИУМ ЧЕШКИ ЛАГЕР

CELIA се подготвува од само три локални состојки: јачмен, жатецки хмељ и вода од подножјето на Жатец.

CELIA е традиционална серија на пиво приготвена во подрумите на замок од 14. век, кој се наоѓа во историскиот град Жатец, познат по одгледување на светски реномираниот жатецки хмељ уште од 1004 година. Подготвуван повеќе од два месеци, од кои 14 дена се посветуваат на ферментација со отворени буриња со што се обезбедува само природна карбонизација, CELIA е направено така што се отстранува глутенот преку процес на деглутенизација што ѝ овозможува на пиварницата да користи само локални квалитетни состојки поради што не е потребна никаква замена.

Богатата историја и традиција на CELIA датира од 1004 година и кога при крајот на 18 век оригиналните пиварници на CELIA веќе не можеле да излезат во пресрет на големата побарувачка на пазарот, беа изградени нови пиварници во 1798 год. Новите темели на CELIA беа поставени на 20 јуни 1798 год на место до познат кралски замок. По две години градба, производството започна на 26 Јули 1800 год и не запира од тогаш.

Храната што се конзумира секој ден влијае врз нашиот микробиом и нашиот имунолошки систем. Доколку сте чувствителни на глутен, може да чувствувате подуеност и иритирање во стомакот. Но, доколку сте нетолерантни на глутен, тука веќе може да настанат посериозни проблеми.

Околу 1 процент од луѓето на светот имаат целијакија, а многу често голем дел од нив со години трпат болки, не знаејќи за својата дијагноза. Уште поголем е процентот на луѓе кои што имаат алергии и потешкотии после конзумирање на храна што содржи глутен. Кај нив постојат цврсти докази кои укажуваат на тоа дека храната/пијалокот без глутен може да ги намали нивните тегоби.

Celia целосно го отстрани глутенот како би можело да се создаде навистина лесно, органско светло пиво со премиум вкус во кое што сите може да уживаат.

По долги години истражување тимот на CELIA идентификуваше ензим кој се врзува со глутенот и ја прави својата магија за време на процесот на ферментација во подрумите на замокот. Кога ќе се пушти низ иновативниот систем за силиконско филтрирање, CELIA задржува <5 ppm глутен.

Патентираниот процес на деглутенизација ѝ овозможува на пиварницата да ги користи само најдобрите локални органски состојки и гарантира дека нема да има потреба од замена со цел да се отстрани глутенот од CELIA. Со ова се добиваат пива со премиум вкус каде вкусот не е предмет на компромис. CELIA се прави рачно во текот на неговото патување низ пиварницата. Јачменот се истура во котелот за мешање, а сладот рачно се пренесува. Славините за затегнување се отвораат и затвораат, а хмељот се дозира рачно, осигурувајќи дека пристапот на рачна подготовка ќе се чувствува во текот на целиот процес на подготовка на пивото.